යුග තුනක් පෙම්වත් හදවත් ඇමතූ සොඳුරුම ගායකයා චන්ද්රකුමාර කඳනාරච්චි දිවි සැරියෙන් සමු ගනී
පුරා දශක පහක් තිස්සේ එකෙලාව පෙම්වත් සිත් ඇමතූ සොඳුරුම ගායකයා ලෙස සැලකෙන චන්ද්රකුමාර කඳනාරච්චි අද (26) උදෑසන දිවි සැරියෙන් සමුගත් බව සංවේගයෙන් සටහන් කර තබමු.
ඇගේ සිනහව තහනම්, පෙම් බැන්ද සිත් බැන්ද, ගංගා නදී තීරයේ, ගම මහනුවරයි හා හිතේ සතුට ජීවිතයේ වැනි රසික හදවත් පිනවූ බොහෝමයක් ගීත ඔහු විසින් රසිකයින් වෙත දායාද කර කර තිබිණි.
වර්ෂ 1973 දි කේ.ඩි.කේ ධර්මවර්ධනයන් අතින් ලියැවී චන්ද්රකුමාර කඳනාරච්චි විසින්ම තනු නිර්මාණය කළ ඇගෙ සිනහව තහනම් ගීතය මේ ලියන මොහොත වනවිටත් නොගිලිහුනු ජනප්රියත්වයෙන් යුග තුනක් පුරා පෙම්වත් සිත් ආමන්ත්රණය කරන සර්වකාලීන නිර්මාණයක්ව ඇත. ඔහුගේ ලයාන්විත හඬ පෞරුෂය මෙන්ම අතිශය ප්රසන්න භාව ස්වරූපය එම ගීත හදවත් තුළ රැඳෙන්නට පිටු බලයක් වූ බව කිව යුතුය.
ඔහු මෑතක සිට මහරගම පිළිකා රෝහලේ ප්රතිකාර ලබමින් සිටියේය. මිය යනවිට ඔහු 76 වැනි වියේ පසුවුයේය.