ශ්‍රී ලංගම සභාපති රමාල් සිරිවර්ධන මහතා  ප්‍රවාහන හා සිවිල් ගුවන් සේවා අමාත්‍ය අර්ජුන රණතුංගගේ බලපෑම් හේතුවෙන් සිය ධූරයෙන් ඉල්ලා අස්වී ඇති බව වාර්තා වෙයි. ඒ අනුව සභාපති රමාල් සිරිවර්ධන ඉල්ලා අස්වීමේ ලිපිය ප්‍රවාහන හා සිවිල් ගුවන් සේවා අමාත්‍යංශයේ ලේකම් එල්.පී.ජයම්පති මහතාට අද (26) පෙරවරුවේ බාරදී ඇති බවත් දැනගන්නට ඇත.ප්‍රවාහන හා සිවිල් ගුවන් සේවා අමාත්‍යංශයේ ඉතා ඉහළ බලපෑමක් නිසා ලංගම සභාපතිවරයා ඉල්ලා අස්වන බව ලංගම සේවකයෝ හා වෘත්තිය සමිති  පවසයි.දීර්ඝ වශයෙන් තමන්ට සිදුවන බාධාකාරී තත්වයන් ගැන කරුණු දක්වා තිබෙන එහි මේ දක්වා ප්‍රවාහන ඇමති ධූරයන් දැරූ අනෙක් අය සමග තමා හොඳින් රාජකාරී කළ නමුත් අර්ජුන රණතුංග සමග වැඩ කිරීමට අමාරු බවට විස්තර සහිතව කරුණු ගොනු කර තිබේ.

අර්ජුන රණතුංග ඇමති ධූරය දැරූ වරාය, ඛණිජ තෙල් ඇතුලු අමාතයංශ ගණනාවකදීත් ඉහළ නිලධාරීන්ට බලපෑම් එල්ලවූ අයුරින් තමාටද අනිසි බලපෑම් ඇතිවූ බව එහි කියා තිබේ.
ප්‍රවාහන හා සිවිල් ගුවන් සේවා අමාත්‍යංශයේ ලේකම් එල්.පී.ජයම්පති මහතාට අද (26) පෙරවරුවේ එය භාරදි ඇත.