මහින්දගේ හම්බන්තොට මන්ත්රී කුඩු සමග අත්අඩංගුවට…
එක්සත් ජනතා නිදහස් සන්ධනය නියෝජනය කළ හම්බන්තොට නගරසභාවේ හිටපු මන්ත්රී මොහොමඩ් රෆායිස් ස්ලාසා නැමත්තා පසුගිදා හෙරෝයින් ග්රෑම් 700ක් සමග මීගමුවේදී අත්අඩංගුවට ගෙන ඇත.
පසුගිය නොවැම්බර් 01වනදා ඔහු එලෙස අත්අඩංගුවට ගෙන තිබූ අතර ඒ සම්බන්ධ ප්රවෘත්තිය මහින්ද රාජපක්ෂ කල්ලිය වෙනුවෙන් පෙනී සිටින මෙරට ප්රධාන විද්යුත් ප්රවෘත්ති නාලිකා කිසිවක් වාර්තා කර තිබුනේ නැත.
හම්බන්තොට මරිය පාර පදිංචි මෙම පුද්ගලයා පසුගිය කාලයේ හම්බන්තොට නගරසභාව නියෝජනය කළ එක්සත් ජනතා නිදහස් සන්ධානයේ මන්ත්රීවරයෙකි. පසුගිය 2015 ජනාධිපතිවරණයේ සිට ඔහු මහින්ද පිල (පොහොට්ටු පක්ෂය) නියෝජනය කළ අතර මෙරව එනම් 2018 වසරේ හම්බන්තොට නගරසභාවට කඩවීදිය බහු ඡන්ද කොට්ඨාසයෙන් ඔහුගේ සොහොයුරා වන මොහොමඩ් රිහාන් ස්ලාසා නැමැත්තාත් රූපසිංහ ආරච්චිගේ අනිල් ප්රියන්ත නැමැත්තාත් ඉදිරිපත් කිරීමට රාජපක්ෂ පිල කටයුතු කර තිබේ.
2018 පලාත් පාලන මැතිවරණයෙන් එම කොට්ඨාසය එක්සත් ජාතික පක්ෂය ජයග්රහණය කළ අතර රූපසිංහ ආරච්චිගේ අනිල් ප්රියන්ත නැමැත්තා ලැයිස්තුවේ මන්ත්රීවරයෙකු ලෙස එම නගරසභාවට යැවීමටද මහින්ද පිල කටයුතු කර තිබිණි.
අනිල් ප්රියන්ත නැමති නාගරික මන්ත්රී වරයා කෙන්යාව සහ සොමාලියව වැනි රටවල නිතර නිතර සංචාරයේ යෙදෙනනෙකු බවද මොහොමඩ් රෆායිස් ස්ලාසා නැමති මහින්ද පිලේ හිටපු මන්ත්රීවරයා බෙදාහරින්නේ අනිල් ප්රියන්ත විසින් ගෙන්වන ලද හොරෝයින් බවද වාර්තා වේ.
පසුගිය නොවැම්බර් 01වනදා අත්අඩංගුවට ගත් මෙම පුද්ගලයා මේ වනවිට රක්ෂිත බන්ධනාගාර ගත කර සිටින අතර පොලිස් ආරංචිමාර්ග සඳහන් කරන පරිදි මොහු අත්අඩංගුවට ගැනීම සඳහා දැඩි පරිශ්රමයක් දැරීමට සිදුව තිබේ.
ඔහු සුඛෝපභෝගී මෝටර් රථයකින් මීගමුවේ ව්යාපාරිකයෙකුට ලබාදීම සඳහා මෙම හෙරෝයින් තොගය රැගෙනයමින් සිටියදී බොරැල්ල සුරාබදු මත්ද්රව්ය නාශක අංශය මැදිහත් වී කන්ටේනරයක් යොදවා ඔහු ගමන් ගත් ගම අහුරා ඔහුගේ ගමන අඩාල කර අත්අඩංගුවට ගෙන ඇත.
පොලිස් කණ්ඩායම් තුනක් මේ වනවිටත් පරීක්ෂණ ආරම්භ කර තිබේ.
