මෛත්රී විසින් ආරක්ෂා කරන රවින්ද්ර විජේගුණවර්ධන අත්අඩංගුවට ගන්නැයි කොටුව මහෙස්ත්රාත් නියෝග කරයි.
ආරක්ෂක මාණ්ඩලික ප්රධානී රවින්ද්ර විජේගුණවර්ධන මහතා ඉදිරි සතිය තුළ අපරාධ පරීක්ෂණ දෙපාර්තමේන්තුවට කැඳවීමට ලිපි සකස් කර ඇති බවත් එසේම ඔහුව අත්අඩංගුවට ගැනීමට ප්රමාණවත් කරුණු තිබෙන බවත් එම දෙපාර්තමේන්තුව ඊයේ (19) කොළඹ කොටුව මහෙස්ත්රාත් ලංකා ජයරත්න හමුවේ ප්රකාශ කර ඇත. මෙම නඩුවේ ප්රධාන සැකකරුවෙකු වන නේවි සම්පත් නොහොත් හිටපු නාවික හමුදා ලුතිනන් කමාන්ඩර් චන්දන ප්රසාද් හෙට්ටිආරච්චි යන අයට සැගවී සිටීමට ආධාර අනුබල දුන් අය සිටී නම් අත්අඩංගුවට ගෙන අධිකරණයට ඉදිරිපත් කරන ලෙස මහේස්ත්රාත්වරිය මෙහිදී අපරාධ පරීක්ෂණ දෙපාර්තමේන්තුවට නියෝග කළ බවද වාර්තා වෙයි.
කප්පන් ලබාගැනීම වෙනුවෙන් තරුණයන් 11 දෙනකු පැහැරගෙන යාමේ සිද්ධියට සම්බන්ධ නඩුව ඊයේ (19) යළි අධිකරණය හමුවේ කැඳවු අවස්ථාවේදී අපරාධ පරීක්ෂණ දෙපාර්තමේන්තුව මේ බව අනාවරණය කර සිටියේය.
රවීන්ද්ර විජේගුණරත්න මහතා අත්අඩංගුවට ගැනීමට ප්රමාණවත් කරුණු ඇති බව අපරාධ පරීක්ෂණ දෙපාර්තමේන්තුව අධිකරණයට දන්වා ඇත්තේද ඒ අනුවය.
මේ අතර චන්දන ප්රසාද් හෙට්ටිආරච්චි යන සැකකරුට විදේශ ගතවීමට ව්යාජ ලේඛන සකස් කිරීම සදහා ආධාර අනුබල දීමේ චෝදනාවට රක්ෂිත බන්ධනාගාර ගත කර සිටින ලක්සිරි අමරසිංහ යන සැකකරු තවදුරටත් රක්ෂිත බන්ධනාගාර ගතකර ඇත.
පොලිසියට අනුව නේවි සම්පත් අත්අඩංගුවට ගන්නේ සිවිල් පුද්ගලයන් 11 දෙනෙක් පැහැරගෙන ගොස් රඳවා තබා ඝාතනය කිරීමේ නින්දිත චෝදනාවට සැකකරුවෙක් ලෙසය.පැහැදිලිව ඔප්පු වන සාක්ෂි ප්රකාරව පුද්ගලයන් 11 දෙනෙක් මරා දමා ඇත. නමුත් අද වනතුරු මෙම දරුවන්ගේ දෙමාපියන්ට යුක්තිය ඉටුවී නොමැත. ඒ වෙනුවට යුක්තිය ඉටුවන්නෙ යුද්ධයට මුවාවී දරුවන් පැහැරගෙනගොස් කප්පම්ගත් නාවිකා හමුදාවේ පිරිසටයි. ඒ ජනාධිපතිවරයාගේ රැකවරණය හා ආරක්ෂාව යටතේය.
පැහැරගත් පිරිස රඳවා තබා ගන්නේ කොටුව නාවික හමුදා මූලස්ථානය ඉදිරිපිට ඇති යම් ආරක්ෂිත නිවස්නයක ය. පිරිසෙන් කොටසක් කොළඹදී මරා දමන්නේය. ඉතිරි පිරිස ත්රිකුණාමලය නාවික හමුදා කඳවුරට රැගෙන ගොස් එතැනදී මරා දමා තිබෙන්නේය. අප ඉතිහාසයේ සිදුවූ අතිශය නින්දිත අපරාධයක් අබියසය.
දැන් මේ රට අපේක්ෂා කරන්නේ මරා දමන ලද මනුෂ්යයන්ගේ ජීවිත වෙනුවෙන් සාධාරණයකි. නේවි සම්පත් නැමැත්තෙක් පොලිස් අත්අඩංගුවට පත්වන්නේ මේ අතරය. නේවි සම්පත් නමින් අත්අඩංගුවට පත්වන්නේ හිටපු නාවික හමුදා ලුතිනන් කමාන්ඩර් වරයෙකි. ඔහු නමින් හෙට්ටිආරච්චි මුදියන්සේලාගේ චන්දන ප්රසාද් හෙට්ටිආරච්චි බව රහස් පොලිසිය කියන්නේය. සැකකරු අත්අඩංගුවට ගන්නේ පසුගියදා කොළඹ ලෝටස් පාරේදීය.
නාවික හමුදාවේ සිටියදී අපාරධ කළ බවට චෝදනා ලැබ තිබෙනා සැකකරුවෙක් වසන් කිරීම සඳහා නාවික හමුදාපති ලෙස නාවික හමුදාවේ මුදල් අවභාවිත කළ බවට රහස් පොලීසිය රවී විජේගුණරත්නට එල්ල කරන චෝදනාව විභාග කිරීම සම්බන්ධව දැන් ගැටලුවක් නැත. එසේ නොවන්නේ නම් එය රටට ගැටලුවකි. රවී විජේගුණරත්න වරදක් කර ඇත්නම් ඔහු අත්අඩංගුවට නොගැනීම ගැටලුවෙකි. මෙම ඝාතකයින් සහ ඔවුන්ට රැකවරණය දෙන ලද අය අත්අඩංගුවට ගෙන අතුරුදහන්වූ දරුවන්ගේ දෙමාපියන්ට යුක්තිය ඉටුවන්නේ කවදාද? රටම බලා සිටින්නෙ ඒ දෙසය.