මැදපෙරදිග යුද්ධයේ නිමාව ගැන ඇහෙන සුබ පුවත
මැදපෙරදිග කලාපයේ පවතින යුදමය වාතාවරණය ඉතා ඉක්මනින් අවසන් වනු ඇති බව අමෙරිකානු ජනාධිපති ඩොනල්ඩ් ට්‍රම්ප් ප්‍රකාශ කර තිබේ. ඉරානයට එරෙහි ප්‍රහාර තව කොපමණ කාලයක් පවතිනු ඇත්දැයි මාධ්‍යවේදියෙකු නැගූ ප්‍රශ්නයකට පිළිතුරු දෙමින් ඔහු මේ බව සඳහන් කළේය.
මෙම යුද්ධය මෙම සතිය තුළ අවසන් නොවනු ඇති නමුත්, ඉරානයට මේ වන විටත් සිය නායකයා ඇතුළු බොහෝ දෑ අහිමි වී ඇති බව ජනාධිපතිවරයා පෙන්වා දුන්නේය. ඉරානයේ න්‍යෂ්ටික සහ මිසයිල මධ්‍යස්ථාන සියල්ලම පාහේ මේ වන විට විනාශ කර ඇති බව ද ඔහු මෙහිදී අනාවරණය කළේය.
ඉරානය සතුව මේ වන විට ඉතිරිව ඇත්තේ ඉතා ස්වල්ප යුද ශක්තියක් පමණක් බවත්, එයද ඉතා ඉක්මනින් අවසන් වනු ඇති බවත් ට්‍රම්ප් වැඩිදුරටත් කියා සිටියේය.