රාජපක්ෂලා තවමත් යහමින් ගසාකයි..! රුපියල් බිලියන 500 ගල් අඟුරු ටෙන්ඩරය සැපයුම් දින 35ක් වයස ලියාපදිංචියක් නැති සමාගමකට දීලා – විගණනකාධිපති හෙළි කරයි
- සමාගම පිහිටුවන්නේ 2022 ජුනි මස 01 දා එක්සත් ආරබි එමීර් රාජ්යයේ දි… පිහිටුවා දින 35කට පසු ලංකාගල් අඟුරු සමාගම ගල් අඟුරු මෙට්රික්ටොන් මිලියන 4.5ක් මිලදී ගැනීම සඳහා එම සමාගමට ටෙන්ඩරය ප්රදානය කරලා…
- සමාගමට ගල් අඟුරු සැපයීමට ලියාපදිංචියක් නෑ… විගණනය විමසූ විට විදුලිබල අමාත්යාංශ ලේකම් කී බොරුව විගණනයට හසුවෙලා..
- ටෙන්ඩරය ලබා දී ඇත්තේ තරගකාරී ලංසු කැඳවීම් වළක්වලා… හැම අතින්ම ප්රශ්න එද්දි සැප්තැම්බර් 22 දා අමාත්ය මණ්ඩලය විසින් ප්රසම්පාදනය අවලංගු කරලා…
රුපියල් බිලියන 500ක් පමණ ඉහළ වටිනාකමකින් යුතු නොරොච්චෝලේ ලක්විජය ගල් අගුරුබලාගාරය සඳහා (2020 – 2025) ගල් අඟුරු මිලදී ගැනීමේ ප්රසම්පාදන ක්රියාවලිය සිදුකිරීමේ දි ප්රසම්පාදන කමිටුව හා තාක්ෂණික ඇගයිම් කමිටුව පලදායි හා කාර්යක්ෂම ලෙස එම කාර්යය සිදුකර නොමැති බව ජාතික විගණන කාර්යාලය පවසයි.
ගල් අඟුරු සැපයුම්කරුවකු ලෙස ලියාපදිංචි නොවු සමාගමක් වන black sand commodities සමාගම වෙත ගල් අගුරු සැපයිමේ ටෙන්ඩරය ප්රසම්පාදන ක්රියාවලිය ආරම්භකොට දින දින 35 වැනි කෙටිකාලයක් තුළ පිරිනමා තිබු බවද විගණනය මගින් අනාවරණය කොට ඇත.
ලංකාගල් අඟුරු සමාගම විසින් ගල් අඟුරු මෙට්රික්ටොන් මිලියන 4.5ක් මිලදී ගැනීම සඳහා මෙම ප්රසම්පාදනය සිදුකොට තිබුණි. මෙකී සැපයුම්කාර සමාගමෙන් ගල් අඟුරු සැපයිම සඳහා වන කිසිදු සුදුසුකමක් පරික්ෂාවට ලක්වි නොකිබුණි.
ගල් අඟුරු සැපයිමේ ලියාපදිංචි සමාගමක් වන SUEK AG සමාගම තුළ black sand commodities සමාගම පවතින බැවින් මෙම ප්රසම්පාදනයේ දි වෙනම ලියාපදිංචිකිරීමේ අවශ්යතාවයක් නොවන බව විදුලිබල අමාත්යංශයේ ලේකම්වරයා විසින් විගණනයට දක්වා තිබුණි.
එහෙත් black sand commodities සමාගම ගල්අඟුරු සැපයිමේ ලියාපදිංචි සැපයුම්කරුවකු වන suek AG සමාගම යටතේ ලියාපදිංචි කළ සමාගමක් නොවන බවත් මෙකී සමාගම් දෙක අතර සෘජු සම්බන්දතාවයක් නොවන බවත් විගණනය මගින් අනාවරණය කොට තිබුණි.
මෙම සමාගම පිහිටුවා ඇතතේ 2022 මැයි මස 31 වැනිදින LC suek ltd LLC (Russia) සමාගම විසින් යෝජනාවක් සම්මත කිරීමෙන් අනතුරුව 2022 ජුනි මස 01 වැනිදින එක්සත් ආරබි එමීර් රාජ්යයේ සංස්ථාපිත සමාගක් ලෙස බව ද විගණනය හෙළි කරගෙන තිබේ.
මේ නුසුදුසුකම් නොසලකා black sand commodities සමාගම විසින් ඉදිරිපත් කළ ලංසුව විදුලිබල හා බලශක්ති අමාත්යාංශය විසින් පිළිගෙන තිබු බව ද විගණනය මගින් පෙන්වා දී ඇත.
එමෙන්ම ලියාපදිංචි නොවු සැපයුම්කරුවන්ගෙන් ලැබෙන ලංසු සුදුසුකම සුදුසුකම් නොලත් ලංසුවක් ලෙස සැලකිය හැකිව තිබු බවද විගණනය මගින් අනාවරණය කොට ඇත.
ගල් අගුරු ප්රසම්පාදනයට අදාලව 2022 අගෝස්තු මස 03 වැනිදින ලංසු ලේඛනවලට ප්රබල හා සංවේදි සංශෝධනයක් කර ලංසු විවෘත කිරීමට දින 06කට පමණ පෙර අගෝස්තු මස 05 වැනිදින සැපයුම්කරුවන්ට දැනුම් දී තිබුණි.
ලංසුකරුවන්ට අවශ්ය කටයුතු සඳහා ප්රමාණවත් කාලයක් නොතිබු බැවින් මෙකී ප්රසම්පාදනය සම්බන්ධයෙන් ඇති කිරීමට හැකිව තිබු තරඟකාරිත්වය ඇතිවී නොතිබු බවද විගණනය මගින් අනාවරණය කොට ඇත.