NewsSlider පූජිත නැවත කුජීත වෙයි – අපරාධ කොට්ඨාස ස්ථානාධිපතිගේ ස්ථාන මාරුව කොමිෂම අවලංගු කරයි March 14, 2019 Kamal Dhammika කොළඹ අපරාධ කොට්ඨාසයේ ස්ථානාධිපති ප්රධාන පොලිස් පරීක්ෂක නෙවිල් ද සිල්වා මහතාට පොලිස්පති පුජිත ජයසුන්දර විසින් ලබා දෙනු ලැබූ ස්ථාන මාරුව අවලංගු කරන ලෙස ජාතික පොලිස් කොමිෂන් සභාව අද (14) නියෝග කළේය. අත්අඩංගුවට ගත් සැකකරුවකු සම්බන්ධයෙන් නීත්යනුකූල නොවන ක්රියාවක් සිදු කරන්නැයි පොලිස් ප්රධානීන් දෙදෙනකු ලබා දුන් නීති විරෝධී නියෝගයක් ක්රියාත්මක නොකළ නිසා තමාට මෙම ස්ථාන මාරුව ලබා දී ඇතැයි කියමින් ප්රධාන පොලිස් පරීක්ෂකවරයා මෙම අභියාචනය සිදු කර තිබිණි. මහාචාර්ය සිරි හෙට්ටිගේ මහතාගේ වැඩ බලන සභාපතිත්වයෙන් අද (14) රැස්වූ ජාතික පොලිස් කොමිෂන් සභාව මෙම තීරණය ගත්තේ නෙවිල් ද සිල්වා මහතා විසින් කරන ලද අභියාචනයක් සැලකිල්ලට ගනිමිනි. ප්රධාන පොලිස් පරීක්ෂක නෙවිල් සිල්වා මහතා කොළඹ අපරාධ කොට්ඨාසයෙන් ඉවත් කර පොලිස් මූලස්ථානයේ සාමාන්ය රාජකාරි සඳහා යොදවා ඇත්තේ ජාතික පොලිස් කොමිෂන් සභාවේ අනුමැතියකින් තොරව බව ද ජාතික පොලිස් කොමිෂන් සභාව කියයි. ඒ අනුව ඔහු පොලිස් මූලස්ථානයට අනියුක්ත කරමින් සහ පොලිස් මූලස්ථානයේ ප්රධාන පොලිස් පරීක්ෂක ජී එච් ජානක මහතා කොළඹ අපරාධ කොට්ඨාසයේ ස්ථානාධිපති ලෙස පත් කරමින් ලබා දුන් නියෝගය අත්හිටුවන ලෙස ජාතික පොලිස් කොමිෂන් සභාව නියෝග කළේය. Post Views: 1,420 Share on Facebook Share Share on TwitterTweet Share on Pinterest Share Share on LinkedIn Share Send email Mail Print Print
