අගමැති බොරිස් ජොන්සන් බ්රිතාන්යයේ වෙළඳ ඇමති ලෙස රනිල් පත් කරයි
ශ්රී ලාංකික සම්භවයක් සහිත බ්රිතාන්ය පාර්ලිමේන්තු මන්ත්රී රනිල් ජයවර්ධන මහතා එරට නව වෙළඳ අමාත්යවරයා වශයෙන් පත් කරනු ලැබ ඇතැයි තානාපති ආරංචි මාර්ග වලින් පැවසෙනවා.
බ්රිතාන්ය අග්රාමාත්ය බොරිස් ජොන්සන් මහතා විසින් අද (06) දින මෙම පත්කිරීම සිදු කර ඇතැයි ද සදහන්.
ශ්රී ලාංකිකයකු වන නලින් ජයවර්ධන සහ ඉන්දීය ජාතික මවකට දාව 1986 වසරේදී බ්රිතාන්යයේ උපන් රනිල් ජයවර්ධන මහතා 2015 සිට මේ දක්වාම එරට ඊසානදිග හැම්ප්ෂයර් ප්රදේශය නියෝජනය කරමින් බ්රිතාන්ය පාර්ලිමේන්තුවට තේරී පත්වී සිටින්නෙක්.
2015 වසරේ මැයි 08 වැනිදා පැවති බ්රිතාන්ය පාර්ලිමේන්තු මැතිවරණයේදී එරට පාර්ලිමේන්තුව තේරී පත්වූයේ ඡන්ද 35,573 ක් ලබා ගනිමිනි. ඉන්පසුව 2017 පැවති මහමැතිවරණයෙන්ද ,2020 ජනවාරි පැවති මැතිවරණයෙන්ද ඔහු ජයග්රහණය කළා.
මේවන විටත් එරට පාලක පක්ෂය වන කොන්සර්වේටිව් පක්ෂයේ උප සභාපතිවරයෙකු ලෙස කටයුතු කරන ඔහු එරට ලන්ඩන් ස්කූල් ඔෆ් ඉකොනොමික්ස් විශ්වවිද්යාලයේ උපාධිධරයකුද වනවා.
වෘත්තීයෙන් බැංකු කළමනාකරුවෙකු වූ ඔහු තරුණ අවදියේම කොන්සර්වේටිව් පක්ෂ ක්රියාකාරියෙකුලෙසත්, 2008 වසරේදී බ්රිසින්ස්ටෝන් සහ ඩේන් නගර සභාවේ උප නගරාධිපති වශයෙන්ද කටයුතු කළා.
රනිල් ජයවර්ධන මහතා ගේ පියා වන හොරණ අගුරුවාතොට පදිංචි ව සිටි නලින් ජයවර්ධන මහතා 1978 වසරේදී බ්රිතාන්යයේ පදිංචියට ගොස් ඇති අයෙකු වනවා. ඔහුගේ මව ඉන්දීය ජාතික කාන්තාවක වනවා. රනිල් ජයවර්ධන මහතා දෙදරු පියකු වන අතර ඔහු විවාහ වී සිටින්නේ ඇලිසන් නැමැති බ්රිතාන්ය ජාතික කාන්තාවක් සමගින්.