අකුණුසරින් රඹෑවේ දෙදෙනෙක් මරුට අයෙකුට බරපතළයි
රඹෑව බොරලුහින්න ගම්මානයේ වෙල්යායක වැඩකරමින් සිටි කාන්තාවන් තිදෙනකුට අකුණුසර වැදීමෙන් දෙදෙනකු මියගොස් එක් අයෙක් බරපතළ තුවාල ලබා ප්‍රතාකාර සඳහා අනුරාධපුර ශික්ෂණ රෝහලට ඊයේ (20) ඇතුළත් කර තිබේ.
පරසන්ගස්වැව පොලිස් වසමේ රඹෑව බොරුලුහින්න ගම්මානයේ වෙල්යායේ වැඩකරමින් සිටියදී ඊයේ (20) සවස 4 ට පමණ මෙසේ අකුණුසර වැදී ඇතැයි පොලීසිය කියයි. මෙම අකුණුසර වැදීමෙන් රඹෑව බොරලුහින්න, නබඩගස්වැව ප්‍රදේශයේ පදිංචිව සිටි 58 හැවිරිදි කේ. හේමාලි නමැති කාන්තාවක සහ ඇඹිලිපිටිය ප්‍රදේශයේ පදිංචිව සිටි 26 හැවිරිදි එම්. දිලාරි නමැති කාන්තාවක් ජිවිතක්ෂයට පත්ව තිබේ.
මියගිය කාන්තාවන්ගේ මෘත ශරීර ඊයේ (20)සවස රඹෑව රෝහලේ තැන්පත් කර තිබිණ. අනතුරින් තුවාල ලැබූ රඹෑව, නඹඩගස්වැව ප්‍රදේශයේ පදිංචි හැටපස් (65) හැවිරිදි කාන්තාව රෝහල්ගත කර ඇත.
මෙම සිද්ධිය පිළිබඳ වැඩිදුර පරික්ෂණ පරසන්ගස්වැව පොලීසිය සිදු කරයි.
ජායාරූප – අනුරාධපුර අතිරේක – අමිල ප්‍රභාත් වනසිංහ