ගීත බලපත්‍ර නිකුත් කිරීම ACPOSL මගින් තාවකාලිකව අත්හිටුවයි
ශ්‍රී ලංකා නිර්මාණකරුවන්ගේ සහ ප්‍රකාශකයන්ගේ සංගමය (ACPOSL) විසින් ගීත ගැයීම සඳහා බලපත්‍ර නිකුත් කිරීමේ කටයුතු තාවකාලිකව අත්හිටුවීමට තීරණය කර ඇත.
විනෝදාස්වාද ක්ෂේත්‍රයේ පාර්ශ්වකරුවන් විසින් මතු කරන ලද චෝදනා සහ විවේචන සැලකිල්ලට ගනිමින් මෙම පියවර ගෙන ඇති අතර, මේ දක්වා සිදුවූ යම් අපහසුතාවක් හෝ සිත් රිදවීමක් වේ නම් ඒ වෙනුවෙන් සංගමය සිය කණගාටුව ද ප්‍රකාශ කර තිබේ.
මෙම යෝජිත බලපත්‍ර රාමුව සහ ඊට අදාළ ගාස්තු සංශෝධනය කිරීම හා සමාලෝචනය කිරීම සඳහා ක්ෂේත්‍රයේ නියෝජිතයන් සමඟ විධිමත් සාකච්ඡා මාලාවක් ආරම්භ කිරීමට නියමිතය. එම සාකච්ඡාවලින් අනතුරුව සංශෝධිත රාමුව 2026 නොවැම්බර් මාසයේ පැවැත්වීමට නියමිත වාර්ෂික මහා සභා රැස්වීමේදී (AGM) අනුමැතිය සඳහා ඉදිරිපත් කිරීමට බලාපොරොත්තු වන බව ACPOSL සංගමය වැඩිදුරටත් සඳහන් කරයි.
