ජාතික ක්‍රීඩා සභාවට නව සාමාජිකයෝ පත් කරයි…! අර්ජුන ඉවතට! මයියා ඇතුළට! ජාතික ක්‍රීඩා සභාවේ නව සාමාජිකයින් මෙන්න!
ක්‍රීඩා අමාත්‍ය හරින් ප්‍රනාන්දු විසින් ජාතික ක්‍රීඩා සභාව සහ ජාතික ක්‍රීඩා තේරීම් කමිටුව සඳහා නව සාමාජිකයින් පත් කරනු ලැබ තිබේ.
1973 අංක 25 දරන ක්‍රීඩා පනතින් අමාත්‍යවරයාට පැවරී ඇති බලතල අනුව එම පත් කිරීම සිදු කර ඇත.
විශේෂඥ වෛද්‍ය මයියා ගුණසේකර 15 දෙනෙකුගෙන් සමන්විත ක්‍රීඩා සභාවේ සභාපති ධූරය සඳහා පත් කර තිබේ.
මීට පෙර එහි සභාපතිවරයා ලෙස හිටපු ක්‍රිකට් නායක අර්ජුන රණතුංග කටයුතු කර ඇත.
එහි ලේකම්වරයා වන්නේ, අයි. යූ. වික්‍රමසූරිය ය.
ක්‍රීඩා සභාවේ සෙසු සමාජිකයන් වන්නේ, ශ්‍රියානි කුලවංශ, විශ්‍රාමික මේජර් ජෙනරල් රජිත අම්පේමොහොට්ටි, මහාචාර්ය අර්ජුන ද සිල්වා, පණ්ඩුක කීර්තිනන්ද, ආනා පුංචිහේවා, මලික් කාදර්, එස්. වී. ඩී. නානායක්කාර, හෆීෂ් මර්සු, සිදත් වෙත්තමුනි, විශ්‍රාමික මේජර් ජෙනරල් ජගත් ජයසූරිය, අනුරාධා ඉලේපෙරුම, මහාචාර්ය ෂමල් ප්‍රනාන්දු සහ කමල් දේශප්‍රිය යි.
මේ අතර, ජාතික ක්‍රීඩා තේරීම් කමිටුවේ නව සභාපතිවරයා ලෙස ජෙනරල් ශවේන්ද්‍ර සිල්වා සහ එහි ලේකම්වරයා ලෙස අර්ජුන් රිෂ්‍යා ප්‍රනාන්දු පත්කර තිබේ.
එහි සෙසු සමාජිකයන් ලෙස, ආචාර්ය මයියා ගුණසේකර, සුරේෂ් සුබ්‍රමනියම් සහ නලින්ද සම්පත් ඉලංගකෝන් යන අය පත් කර ඇත.
