හෝටල් හදන්න හමුදා මුලස්ථානය විකිණු නිසා රජය මාසිකව මිලියන 42ක් රජය වියදම් කළා
යුධ හමුදා මුලස්ථානය පිහිටි ස්ථානය හෝටල් සංකීර්ණයක් ඉදි කිරිම උදෙසා විකුණා දැමිම නිසා එහි පිහිටි කාර්යාල පිහිටුවිමට රජයේ සහ පෞද්ගලික අංශයේ ගොඩනැගිලි කුලි පදනම ගත ලබා ගැනිමට සිදුවු බවත් ඒ සදහා මාසිකව රජයට රුපියල් මිලියන 42ක් වියදම් කිරිමට සිදුවු බව ජනාධිපති මෛත්‍රිපාල සිරිසේන මහතා ප්‍රකාශ කර සිටිනවා.
ජනාධිපතිවරයා මේ බව ප්‍රකාශ කලේ අකුරේගොඩ ඉදිකළ නව යුධ හමුදා මුලස්ථානය විවෘත කිරිමේ උත්සවයට එක්වෙමින්ය.
කොළඹ නගරයේ නව සැලසුම් සකස් කිරිම උදෙසා මෙලෙස යුධ හමුදා මුලස්ථානය වෙනත් තැනකට.රැගෙන ගිය බව මෙහිදි ජනාධිපතිවරයා කියා සිටියේ.
එමෙන්ම මෙම නව යුධ හමුදා මුලස්ථානය ඉදිකිරිම සදහා 2011 වර්ෂයේදි ආරම්භ කළ බවත් එය මේ දක්වා ප්‍රමාද වුයේ භාණ්ඩාගාරයෙන් මුදල් නිකුත් කිරිමේදි ඇතිවු මුල්‍ය ගැටළු හේතුවෙන් බව කියා සිටියා.
එමෙන්ම ඉදිරි අවුරුදු 02 ක තුලදි නාවික හා ගුවන් හමුදා මුලස්ථානයන් හී ඉදිකිරිම් අවසන් කිරිමට හැකිවනු ඇති බව කියු ජනාධිපතිවරයා එය ඉටු කිරිමට හැකිවන්නේ භාණ්ඩාගාරයෙන් නියමිත වෙලාවට මුල්‍ය ආධාර ලැබෙන්නේ නම් බවයි.
රටේ ස්භාවික ව්‍යවසනයන් ඇතිවිමේදි යුධ හමුදාව ඉටුකළ කාර්ය භාරය අසිමිත බවයි ජනාධිපතිවරයා කියා සිටියේ.