ඇමරිකාවේ YouTube මූලස්ථානයට වෙඩි ප්‍රහාරයක්.

කැලිෆෝනියා ප්‍රාන්තයේ පිහිටි ‘යූටියුබ්’ (YouTube) මූලස්ථානයට ඇතුළු වූ කාන්තාවක් පුද්ගලයන් තිදෙනෙකුට වෙඩි තැබීම සම්බන්ධයෙන් පොලිස් පරීක්ෂණ ආරම්භ කරනු ලැබ ඇත. ‘යූටියුබ්’ ආයතනය තම වීඩියෝ ඉවත් කිරීමෙන් පසු ඉන් ලැබෙන ආදායම අඩු වීම නිසා නසීම් කෝපයට පත් වී සිටි බවත් ඇමරිකානු මාධ්‍ය වාර්තා කරයි.

එම වෙඩි පහරින් තිස් දෙහැවිදිරි සහ විසිහත් වියැති කාන්තාවන් දෙදෙනෙකු සහ තිස්හය වියැති පුරුෂයෙකු තුවාල ලබා ඇති අතර, ප්‍රහාරක කාන්තාවත් එම ස්ථානයේදීම වෙඩි තබාගෙන සියදිවි හානි කරගෙන ඇත. තුවාල ලද තිස්හය වියැති පුද්ගලයා මේ වන විට අසාධ්‍ය තත්වයේ පසු වන බව වාර්තා වෙයි.

තිස්නව හැවිරිදි නසීම් අග්දම් නමැති කාන්තාවක් ඒ සම්බන්ධයෙන් සැක කෙරෙන අතර, ‘යූටියුබ්’ අඩවියේ ඇය පවත්වාගෙන ගිය පෞද්ගලික ගිණුමක් ඔස්සේ ප්‍රචාරය කළ වීඩියෝ පට එම ආයතනය විසින් නිරීක්ෂණය කර ඉවත් කරනු ලැබීම වෙඩි තැබීමට හේතු වන්නට ඇතැයි මාධ්‍ය වාර්තාවන්හි දැක්වෙයි.