දළපූට්‌ටුවා ඝාතනයට සම්බන්ධ වනජීවී දූෂිත ලේකම් හා අධ්‍යක්‍ෂ ජනරාල් දොට්‌ට

පසුගිය මාසයේම වගේ අපිට ප්‍රධානම මාතෘකාවක් වෙලා තිබුනෙ ගල්ගමුවේ දළ පූට්ටුවා ගැන. කිසිවෙකුටත්  කරදරයක් නැති දෑස් අන්ධ මෙම සත්වයා ඝාතනය කිරීමත් සමඟ මුළු රටම කම්පාවුනේ මෙම හස්ථියාතුල තිබුණු ගුණ යහපත්කම නිසාමයි. එසේම මෙම අපරාධය සිදුකළ අය සොයා ඔවුන්ට දැඩි දඬුවම් ලබා දෙනු ඇතැයි සැමගේම අපේක්ෂාව වුනා.

කෙසේ වෙතත් ජනමාධ්‍ය මෙම අපරාධය වාර්ථා කරන තුරු  වනජීවී ඇමතිතුමා, අමාත්‍යාංශ ලේකම්වරයා මෙන්ම වනජීවී අධ්‍යක්‍ෂ ජනරාල්වරයාද  මෙය දැනුවත්ව නොසිටි බවට තොරතුරු අනාවරණය වුනා.

මේ පිළිබඳව විමර්ශන කටයුතු සිදුකරන අතරතුරදී මෙම අපරාධය සම්බන්ධයෙන් නිසි ක්‍රිවාමාර්ග ගත යුතු  තිරසර සංවර්ධන හා වනජීවී අමාත්‍යාංශ ලේකම්වරයා සහ වනජීවී අධ්‍යක්‍ෂ ජනරාල්වරයා විසින් සිදුකරන ලද තවත් ජාවාරම් පිළිබඳව තොරතුරු අනාවරණය කරගෙන තිබෙනවා.

විදෙස්‌ රටකින් නීති විරෝධී ලෙස ගෙන්වන ලද කුරුල්ලන් නීත්‍යානුකූල නොවන අයුරින් හම්බන්තොට සෆාරි උද්‍යානයට ලබාදීමට වනජීවී අමාත්‍යාංශ ලේකම්වරයා කටයුතු කර ඇති බවද මේ වන විට විමර්ශනයකින් හෙලිකරගෙන තිබෙනවා. එසේම මෙම උද්‍යානයේ භාරකරු ලෙස කටයුතු කරන්නේ අමාත්‍යාංශ ලේකම්වරයාගේ ඥතියකු බවද අනාවරණය කරගෙන තිබෙනවා.

වනජීවී අමාත්‍ය ගාමිණී ජයවික්‍රම පෙරේරාද  මෙම කුරුල්ලන් සෆාරි උද්‍යානයට භාරදීම සම්බන්ධව කිසිඳු තොරතුරක් නොදැන සිටි බවද හෙලිකල අතර මේ සම්බන්ධව දැනගැනීමෙන් පසු අමාත්‍යවරයා මේ පිළිබඳ සොයා බලා කරුණු තහවුරු කරගෙන  තිබෙනවා.

මේ හේතුවෙන් වත්මන් වනජීවී අමාත්‍යාංශ ලේකම්වරයා වෙනුවට වෙනත් නිලධාරියකු පත්කරන බවත්  වනජීවී අධ්‍යක්‍ෂ ජනරාල්වරයා  තනතුරෙන් ඉවත් කරන බවත්  රජයේ ආරංචි මාර්ගවල සඳහන් වෙනවා.

පරිසරවේදීන් යෝජනා කරන්නේ සාම්ප්‍රදායික 8 – 4 රාජකාරි කරන නිලධාරියෙක් වෙනුවට සුදුසුකම් සහිත පරිසරයට ආදරේ කරන පරිසරවේදියෙක් පත් කරන ලෙසටයි.