ගෝඨා අත්අඩංගුවට නොගන්නැයි ශ්‍රේෂ්ඨාධිකරණයේ පෙත්සම කල්යයි.

තමන්ව අත්අඩංගුවට ගැනීම වළක්වාලමින් නියෝගයක් නිකුත් කරන ලෙස ඉල්ලා හිටපු ආරක්ෂක ලේකම් ගෝඨාභය රාජපක්ෂ මහතා ඉදිරිපත් කළ මූලික අයිතිවාසිකම් පෙත්සම විභාග කිරීම ශ්‍රේෂ්ඨාධිකරණය අද (15)  ඔක්තෝබර් 24 වනදා දක්වා කල් තැබිමට තීරණය කළේය.

මිග් යානා ගනුදෙනුව ඇතුළු සිද්ධීන් කිහිපයක් සම්බන්ධයෙන් පොලිස් මූල්‍ය අපරාධ විමර්ශන කොට්ඨාශය විසින් තමන්ව අත්අඩංගුවට ගැනීමට සූදානමක් පවතින බවත් එය වැළැක්වීමේ නියෝගයක් නිකුත් කරන ලෙසත් ඉල්ලා ගෝඨාභය රාජපක්ෂ මහතා මීට පෙර අදාළ පෙත්සම ඉදිරිපත් කර තිබුණි.

අග්‍ර විනිශ්චකාර ප්‍රියසාද් ඩෙප් මහතා ප්‍රමුඛ විනිසුරු මඩුල්ල විසින් ඉදිරියේදි අද එම පෙත්සම කැඳවිණි.